Дорнод аймгийн гадаргын усны чанарын 2023 оны 1 дүгээр сарын төлөв байдал

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2023 оны 1 дүгээр  сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,  Буйр нуур-Загасны үйлдвэр, Улз-Эрээнцав, Улз-Баян-Уул зэрэг хяналт шинжилгээний 7 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо. Хэрлэн голын 1-4 дүгээр чиглэл ёроолдож хөлдсөн байна.

2023 оны 1 дүгээр  сард хийсэн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

          Халх гол, Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  255.1-394.4 мг/л-т хэлбэлзэж байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 329.3 мг/л байна.

Улз гол, хөтөлбөрийн дагуу Улз голын Эрээнцав, Улз Баян-Уул хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 519.4-978.9 мг/л-т хэлбэлзэж байна. Улз голын Эрээнцав хяналт шинжилгээний цэгийн сорьцон дахь хатуулагийн хэмжээ MNS4586-98 усны чанарын стантдартаас давсан байна.

Дүгнэлт:

Дорнод аймгийн гадаргын усны 2023 оны 1 дүгээр сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 438.5 мг/л ба  хамгийн их эрдэсжилттэй Улз Эрээнцав харуулын ус нь 978.9 мг/л, хамгийн бага эрдэсжилттэй нь  Халх гол дээд  ус нь  255.1 м/л-т  байлаа. Улз голын Эрээнцав хяналт шинжилгээний цэгийн сорьцон дахь хатуулагийн хэмжээ MNS4586-98 усны чанарын стантдартаас давсан байна.

Бусад гол нуурын усны чанарын үзүүлэлт нь MNS4586-98 усны чанарын стандартын дагуу байна. Хэрлэн голын 1-4 дүгээр чиглэл ёроолдож хөлдсөн байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2023.01.24