Дорнод аймгийн гадаргын усны чанарын 2018 оны 10 дугаар сарын төлөв байдал

Дорнод аймгийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2018 оны  10 дугаар сард Хэрлэн 1- 4  дүгээр чиглэл, Улз- Баян-Уул, Халх гол Сүмбэр дээд, доод цэг,  Баянхошуу, Халхгол-Буйр, Буйр нуур- Загасны үйлдвэр, Хөхнуур, Нөмрөг зэрэг хяналт-шинжилгээний 13  цэгээс усны сорьц авч усны химийн найрлага, чанарын үзүүлэлтүүдийг тодорхойллоо.

2018 оны 10 дугаар сард хийсэн  Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүллээ.

Хэрлэн голын хяналт- шинжилгээний 1- 4 дүгээр чиглэлийн 4  цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 134-228 мг/л усан дахь нитритийн ион нь стандартаас давсан байна.

Улз голын усны Улз- Баян-Уул, Улз-Эрээнцавын хяналт- шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 433-914 мг/л хэлбэлзэж, ХА давсан тохиолдол ажиглагдаагүй.

Халхголын усны   Халх гол Сүмбэр дээд, Сүмбэр доод, Баянхошуу, Буйр-Халхгол хяналт-шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 172-189 мг/л-т хэлбэлзэж, Халхгол доод хяналтын цэгийн усан дахь нитритийн ион, Халхгол Дээдийн  хяналтын цэгийн усан дахь  фторийн ион тус тус стандартаас давсан байна.  

Буйр нуурын Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 278 мг/л ба  усан дахь нитритийн ион нь стандартаас давсан байна.  

Хөхнуур 37-р зөрлөг хяналт шинжилгээний цэгээс сорьц авч  усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 7608 мг/л ба 37-р зөрлөг хяналт шинжилгээний цэгийн орчим нилээд их эрдэсжилттэй,  ХА-аас фторийн ион нь давсан байна.

Нөмрөг хилийн застав  хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед голын усны эрдэсжилт 287 мг/л-т хэлбэлзэж,  ХА давсан тохиолдол ажиглагдаагүй.

Дүгнэлт:

Дорнод аймгийн гадаргын усны 2018 оны 10 дугаар сарын хяналт-шинжилгээний дүнгээс үзэхэд 37-р зөрлөг усны эрдэсжилт 7608 мг/л, фторийн агууламж,  Халхгол доод, Хэрлэн 1-3  хяналтын цэгийн усан дахь нитритийн ион, Халхгол Дээдийн  хяналтын цэгийн усан дахь  фторийн ион тус тус стандартаас давж   бохирдсон байна. 

Бусад голын усны эрдэсжилт 134-914 мг/л-т хэлбэлзэж  MNS4586-98 усны чанарын стандартаас давсан тохиолдол ажиглагдаагүй байна