Дорнод аймгийн гадаргын усны чанарын 2018 оны 2 дугаар сарын төлөв байдал

Дорнод аймгийн гадаргын усны чанарын

2018 оны 2 дугаар  сарын төлөв байдал

Дорнод аймгийн Байгаль орчны шинжилгээний лаборатори нь усны чанарын хяналт шинжилгээний хөтөлбөрийн дагуу 2018 оны  2 дугаар сард Хэрлэн-1дүгээр чиглэл, Халх гол Сүмбэр дээд, доод цэг, Халхгол-Баянхошуу, Буйр нуур- Загасны үйлдвэр зэрэг хяналт шинжилгээний 6 цэгээс усны сорьц авч, усны химийн найрлага, чанарын үзүүлэлтүүдийг тодорхойлов.

2018 оны 2 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан1 дүгээр хүснэгтэд харуулав.

Тайлбар: О₂ –Ууссанхүчилтөрөгч, БХХ₅-Биохимийн хэрэгцээт хүчилтөрөгч, ПИЧ-Перманганатын исэлдэх чанар, NH₄-аммони азот, NO₂- нитритын азот, Р- эрдэс фосфор, үр дүнг  MNS4586-98 усны чанарын стандарттай харьцуулан, хүлцэх агууламжаас давсан үзүүлэлтүүдийг тодруулав.

Хэрлэн гол . Хэрлэн голын хяналт шинжилгээний 1-р чиглэл буюу Энх зуслангийн орчмын цэгээс авсан усны  химийн найрлага, чанарын үзүүлэлтүүдийг тодорхойлоход голын усны БХХ5 нь стандартаас их, Ууссан хүчилтөрөгч нь зохих хэмжээнээс бага байна. Голын усны  эрдэсжилт 264.8 мг/л буюу дунд зэргийн эрдэсжилттэй, усны хатуулаг нь зөөлөвтөр байна. Усан дахь хялбар исэлдэх органик бодис, фофор, эрдэс азотын агууламж ХА-аас давсан тохиолдол ажиглагдаагүй байна

Халх гол.  Халхгол Сүмбэр дээд, Сүмбэр доод, Халхгол-Баянхошуу, Халхгол-Буйр  нуурын хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойлов. Голын усны эрдэсжилт 161- 211мг/л-т хэлбэлзэж, усны хатуулаг нь зөөлөн байна. Сүмбэр дээд хяналтын цэгийн усан дахь фосфорын эрдэс азотын агууламж ХА-аас давсан байна. Бусад үзүүлэлт хэвийн байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 267мг/л, усны хатуулаг зөөлөвтөр, усан дахь хялбар исэлдэх органик бодис болон эрдэс азотын агууламж ХА-аас давсан тохиолдол ажиглагдаагүй байна.

Дүгнэлт:

Дорнод аймгийн гадаргын усны 2018 оны 2 дугаар сарын хяналт-шинжилгээний дүнгээс үзэхэд Буйр нуурын  усны эрдэсжилт 267мг/л байсан ба  Халхголын усны эрдэсжилт 161-212мг/л-т хэлбэлзсэн.

Хэрлэн голын 1-р чиглэлийн усны шинжилгээний дүнгээс  үзэхэд ууссан хүчилтөрөгч нь стандараас 2.1 дахин бага, БХХ5  нь стандартаас 2.7 дахин их байсан байна. Халхгол - Сүмбэр дээд хяналтын цэгийн усан дахь эрдэс фосфор стандартаас  1.1 дахин  давсан байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ГАЗРЫН

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2017.02.23