Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2018 оны 3 дугаар сарын төлөв байдал
Дорнод аймгийн гадаргын усны чанарын
2018 оны 3 дугаар сарын төлөв байдал
Дорнод аймгийн Байгаль орчны шинжилгээний лаборатори нь усны чанарын хяналт шинжилгээний хөтөлбөрийн дагуу 2018 оны 3 дугаар сард Хэрлэн-1дүгээр чиглэл, Халх гол Сүмбэр дээд, доод цэг, Халхгол-Баянхошуу, Буйр нуур- Загасны үйлдвэр зэрэг хяналт шинжилгээний 6 цэгээс усны сорьц авч, усны химийн найрлага, чанарын үзүүлэлтүүдийг тодорхойлов.
2018 оны 3 дугаар сарын усны шинжилгээний дүнг гадарын усны MNS4586-98 усны чанарын стандарттай харьцуулан 1 дүгээр хүснэгтэд харуулав.
Тайлбар: О2 –Ууссанхүчилтөрөгч, БХХ5-Биохимийн хэрэгцээт хүчилтөрөгч, ПИЧ-Перманганатын исэлдэх чанар, NH4-аммони азот, NO2- нитритын азот, Р- эрдэс фосфор, үр дүнг MNS4586-98 усны чанарын стандарт
Хэрлэн гол . Хэрлэн голын хяналт шинжилгээний 1-р чиглэл буюу Энх зуслангийн орчмын цэгээс авсан усны химийн найрлага, чанарын үзүүлэлтүүдийг тодорхойлоход голын усны ууссан хүчилтөрөгч нь зохих хэмжээнээс бага байна. Энэ нь өвлийн улиралд гол мөсөн бүрхүүлтэй байх үед ууссанхүчилтөрөгч 4-өөс багагүй байдаг. Голын усны эрдэсжилт 300.6 мг/л буюу дунд зэргийн эрдэсжилттэй, усны хатуулаг нь зөөлөн байна. Усан дахь хялбар исэлдэх органик бодис, эрдэс фосфор, усны азотын нэгдлийн агууламж ХА-аас давсан тохиолдол ажиглагдаагүй байна
Халх гол. Халхгол Сүмбэр дээд, Сүмбэр доод, Халхгол-Баянхошуу, Халхгол-Буйр нуурын хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойлов. Голын усны эрдэсжилт 216.2-264.6 мг/л-т хэлбэлзэж, усны хатуулаг нь зөөлөн байна. Усан дахь хялбар исэлдэх органик бодис, эрдэс фосфор, азотын нэгдлийн агууламж ХА-аас давсан тохиолдол ажиглагдаагүй байна. Бусад үзүүлэлт хэвийн байна.
Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 358.5мг/л дунд зэргийн эрдэсжилттэй , усны хатуулаг зөөлөн, усан дахь хялбар исэлдэх органик бодис болон эрдэс фосфор, азотын нэгдлийн агууламж ХА-аас давсан тохиолдол ажиглагдаагүй байна.
Дүгнэлт:
Дорнод аймгийн гадаргын усны 2018 оны 3 дугаар сарын хяналт-шинжилгээний дүнгээс үзэхэд Хэрлэн, Халхгол, Буйр нуурын усны эрдэсжилт нь дунд з эргийн эрдэсжилттэй, усны хатуулаг зөөлөн , усны орчин саармагаас усны шүлтлэг орчинтой байна.
Усны шинжилгээний дүнг гадарын усны MNS4586-98 усны чанарын стандарттай харьцуулан үзэхэд стандартаас давсан тохиолдол илрээгүй болно.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ ГАЗРЫН
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2017.03.26