Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2018 оны 4 дүгээр сарын төлөв байдал
2018 оны 4 дүгээр сарын төлөв байдал
Дорнод аймгийн Байгаль орчны шинжилгээний лаборатори нь усны чанарын хяналт- шинжилгээний хөтөлбөрийн дагуу 2018 оны 4 дүгээр сард Хэрлэн 1- 4 дүгээр чиглэл, Улз- Баян-Уул, Улз- Эрээнцав, Хөхнуур, Халх гол Сүмбэр дээд, доод цэг, Баянхошуу, Буйр нуур- Загасны үйлдвэр зэрэг хяналт- шинжилгээний 12 цэгээс усны сорьц авч усны химийн найрлага, чанарын үзүүлэлтүүдийг тодорхойллоо.
2018 оны 4 дүгээр сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандартай харьцуулан 1 дүгээр хүснэгтэд үзүүллээ.
Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 171-224 мг/л-т хэлбэлзэж, хүчилтөрөгчийн горим хэвийн, аммони азот нь хэрлэн- 2, 3 дугаар чиглэл гадаргын усны стандартаас бага зэрэг давсан байна.
Улз гол, хөтөлбөрийн дагуу Улз голын Баян-Уул, Эрээнцав хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 229-549 мг/л байсан ба Улз-Эрээнцав хяналтын цэгийн перманганатын исэлдэх чанар, фторийн ион нь ХА-аас давж бохирдсон байна.
Халх гол, Халх гол Сүмбэр дээд, Сүмбэр доод, Баянхошуу, Буйр хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 166-174 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна голын ус цэвэр байлаа.
Буйр нуур, Буйр- Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 233 мг/л ба ХА-аас давсан тохиолдол ажиглагдаагүй байна
Хөхнуур, Хөхнуур – 37-р зөрлөг хяналт шинжилгээний цэгээс сорьц авч усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 2071 мг/л 37-р зөрлөг хяналт шинжилгээний цэгийн орчим нилээд их эрдэсжилттэй ба Фтор, хлорийн бохирдол нь ХА-аас давсан байна.
Дүгнэлт,
Дорнод аймгийн гадаргын усны 2018 оны 4 дүгээр сарын хяналт-шинжилгээний дүнгээс үзэхэд Хөхнуурын усны эрдэсжилт 2071мг/л-т, Фтор, хлорийн бохирдол нь ХА-аас давсан байна. Бусад голын усны эрдэсжилт бага, 166- 549 мг/л-т хэлбэлзэж байлаа. Эдгээр голуудын усан дахь органик бодисын болон эрдэс азотын агууламж MNS4586-98 усны чанарын стандарт дахь хүлцэх агууламжаас Хэрлэн голын хяналт шинжилгээний 2, 3-р чиглэлийн хяналт шинжилгээний цэгийн орчим аммони азот, Улз-Эрээнцав хяналт шинжилгээний цэгийн орчим перманганатын исэлдэх чанар, фторийн ион нь ХА-аас бага зэрэг давсан бохирдол илэрсэн ба бусад голын ус нь цэвэр байсан байна.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ АЛБАНЫ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2018.05.02