Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2018 оны 7 дугаар сарын төлөв байдал
2018 оны 7 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүллээ.
Хэрлэн голын хяналт шинжилгээний 1- 4-р чиглэлийн 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 209-257 мг/л. Үүнээс Хэрлэн- 4-р чиглэлийн усны нитритийн ион, фосфорын ионы агууламж ХА-аас давсан байна.
Улз голын дагуух Улз- Онон, Улз-Эрээнцавын хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 308-430 мг/л байна.
Халхголын усны Халх гол Сүмбэр дээд, Сүмбэр доод, Баянхошуу, Буйр-Халхгол хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 161-212 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна голын ус цэвэр байлаа.
Буйр нуурын Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 248 мг/л ба ХА-аас давсан тохиолдол ажиглагдаагүй байна.
Хөхнуур – 37-р зөрлөг хяналт шинжилгээний цэгээс сорьц авч усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 5438.5 мг/л ба 37-р зөрлөг хяналт шинжилгээний цэгийн орчим нилээд их эрдэсжилттэй, ХА-аас фторийн ион нь давсан байна.
Нөмрөг хилийн застав хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед голын усны эрдэсжилт 481 мг/л-т хэлбэлзэж байна.
Дорнод аймгийн гадаргын усны 2018 оны 7 дугаар сарын хяналт-шинжилгээний дүнгээс үзэхэд Хөхнуурын усны эрдэсжилт 5438.5 мг/л-т, хэлбэлзэж фторийн ион нь давсан байна. Хэрлэн- 4-р чиглэлийн усны нитритийн ион, фосфорын ионы агууламж ХА-аас давсан байна. Бусад голын усны эрдэсжилт 161-430 мг/л-т хэлбэлзэж MNS4586-98 усны чанарын стандартаас давсан тохиолдол ажиглагдаагүй байна.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ АЛБАНЫ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2018.07.30