Дорнод аймгийн гадаргын усны чанарын 2021 оны 4 дүгээр сарын төлөв байдал

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2021 оны 4 дүгээр сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,  Буйр нуур- Загасны үйлдвэр, Хэрлэн голын 1-4,  чиглэл, Нөмрөг хилийн застав  зэрэг хяналт шинжилгээний 12 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.

2021 оны 4 дүгээр сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

                                                                                              1 дүгээр хүснэгт

Тайлбар: БХХ₅-биохимийн хэрэгцээт хүчилтөрөгч, ПИЧ-Перманганатын исэлдэх чанар, илр-илрээгүй, MNS4586-98 усны чанарын стандарт дахь хүлцэх агууламжаас давсан үзүүлэлтүүдийг тодруулав.

          Халх гол, Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  120.5-138.3 мг/л-т  байна. Сүмбэр дээд, Сүмбэр доод, Баянхошуу хяналтын цэгийн усанд  перманганатын исэлдэх чанар,  Баянхошуу хяналтын цэгт аммонийн агууламж ХА-аас тус тус  давсан байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 154.2 мг/л байна.

Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4  цэгээс сорьц авсан. Усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 169.2-288.1 мг/л-т хэлбэлзэж байна. Хэрлэн голын 4 чиглэлийн усан дахь нитритийн агууламж нь ХА-аас давсан байна.

Улз гол, хөтөлбөрийн дагуу Улз голын Баян-Уул, Эрээнцавын  хяналт шинжилгээний  2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 223.6-263.1 мг/л хэлбэлзэж байсан байна.

Нөмрөг, хөтөлбөрийн дагуу Нөмрөг голын хяналт шинжилгээний  цэгээс усны сорьц авч, усны химийн найрлага, чанарын үзүүлэлтүүдийг тодорхойллоо. Нөмрөг голын усны эрдэсжилт нь 156.3 мг/л хэлбэлзэж байсан байна.

Дүгнэлт:

Дорнод аймгийн гадаргын усны 2021 оны 4 дүгээр сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 176.2 мг/л ба  хамгийн их эрдэсжилттэй нь Хэрлэн голын 4 чиглэлийн ус 288.1 мг/л, хамгийн бага эрдэсжилттэй нь Халх гол Сүмбэр доод голын ус 120.5 м/л-т байна.

Усны чанарын үзүүлэлтийг MNS4586-98 усны чанарын стандарттай харьцуулахад Сүмбэр дээд, Сүмбэр доод, Баянхошуу хяналтын цэгийн усанд  перманганатын исэлдэх чанар,  Баянхошуу хяналтын цэгт аммонийн агууламж, Хэрлэн голын 4 чиглэлийн усан дахь нитритийн агууламж нь тус тус ХА-аас давж бхирдсон байна. Бусад гол нуурын ус стандартын дагуу байлаа.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ