Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2021 оны 8 дугаар сарын төлөв байдал
Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2021 оны 8 дугаар сард Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур, Буйр нуур- Загасны үйлдвэр, Хэрлэн голын 1, 2, 3, 4-р чиглэл зэрэг хяналт шинжилгээний 11 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.
2021 оны 8 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүлэв.
Халх гол, Халх гол Сүмбэр дээд, Сүмбэр доод, Баянхошуу, Халхгол-Буйр нуур хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Халхгол-Буйрнуур хяналтын цэгийн усан дахь перманганатын исэлдэх чанарын агууламж ХА-аас тус тус давсан байна. Голын усны эрдэсжилт 150.6-192.3 мг/л байна.
Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Буйр-Загасны үйлдвэр хяналтын цэгийн усан дахь нитритийн агууламж ХА-аас тус тус давсан байна. Нуурын усны эрдэсжилт 216.7 мг/л байна.
Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4 цэгээс сорьц авсан. Усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 170.2-289.6 мг/л-т хэлбэлзэж байна. Хэрлэн голын 4-р чиглэлийн усан дахь перманганатын исэлдэх чанарын агууламж нь ХА-аас давсан байна.
Улз гол, хөтөлбөрийн дагуу Улз голын Баян-Уул, Эрээнцавын хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз-Эрээцав хяналтын цэгийн усан дахь аммони, перманганатын исэлдэх чанарын агууламж ХА-аас тус тус давсан байна. Улз голын усны эрдэсжилт 405.7-654.7 мг/л хэлбэлзэж байна.
Дүгнэлт:
Дорнод аймгийн гадаргын усны 2021 оны 8 дугаар сарын хяналт-шинжилгээний дүнгээс үзэхэд гол, нуурын усны эрдэсжилтийн дундаж нь 249.8 мг/л ба хамгийн их эрдэсжилттэй нь Улз- Эрээнцав хяналт цэг 654.7 мг/л, хамгийн бага эрдэсжилттэй нь Халх гол Баянхошуу хяналтын цэг 150.6 м/л байна.
Усны чанарын үзүүлэлтийг MNS4586-98 усны чанарын стандарттай харьцуулахад Хэрлэн голын 4-р чиглэлийн усан дахь перманганатын исэлдэх чанарын агууламж, Буйр халхгол хяналтын цэгийн перманганатын исэлдэх чанарын агууламж, Эрээнцавын хяналтын цэгийн аммони, перманганатын исэлдэх чанарын агууламж, Буйр-Загасны үйлдвэр хяналтын цэгийн усан дахь нитритийн агууламж нь ХА-аас давсан бохирдолтой байна.Бусад гол нуурын ус стандартын дагуу байлаа.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ