Дорнод аймгийн гадаргын усны чанарын 2022 оны 3дугаар сарын төлөв байдал

Дорнод аймгийн гадаргын усны чанарын

2022 оны 3 дугаар  сарын төлөв байдал

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2022 оны 3 дугаар сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,  Буйр нуур- Загасны үйлдвэр, Улз-Эрээнцав зэрэг хяналт шинжилгээний 6 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.

2022 оны 3 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  187.1-212.8 мг/л-т хэлбэлзэж байна. Халхгол-Баянхошуу, хяналтын цэгийн усанд аммонийн азотын агууламж ХА-аас давсан байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 842.4 мг/л байна. Буйр-Загасны үйлдвэр хяналтын цэгийн усанд  перманганатын исэлдэх чанарын агууламж ХА-аас давсан байна

Улз гол, хөтөлбөрийн дагуу Улз голын Эрээнцав хяналт шинжилгээний 1 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 1011.1 мг/л-т хэлбэлзэж байна. Улз-Эрээнцав хяналтын цэгийн усанд  нитритын азотын агууламж ХА-аас давсан байна.

                                  Дүгнэлт:

Дорнод аймгийн гадаргын усны 2022 оны 3 дугаар сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 442.3 мг/л ба  хамгийн их эрдэсжилттэй Улз-Эрээнцавын ус нь 1011.1 мг/л, хамгийн бага эрдэсжилттэй нь Халхгол Баянхошуу ус нь  187.1 м/л-т хэлбэлзэж байлаа.

Усны чанарын үзүүлэлтийг MNS4586-98 усны чанарын стандарттай харьцуулахад Халхгол-Баянхошуу хяналтын цэгийн усанд аммонийн азот,  Эрээнцав хяналтын цэгийн усанд нитритын азотын агууламж, Буйр-Загасны үйлдвэр хяналтын цэгийн усанд  перманганатын исэлдэх чанарын агууламж нь хүлцэх агууламжаас тус тус давсан байна.  Бусад гол нуурын ус нь стандартын дагуу байлаа.

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2022.03.28