Дорнод аймгийн гадаргын усны чанарын 2022 оны 5 дугаар сарын төлөв байдал

Дорнод аймгийн гадаргын усны чанарын

2022 оны 5 дугаар  сарын төлөв байдал

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2022 оны 5 дугаар  сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,  Буйр нуур- Загасны үйлдвэр, Улз-Эрээнцав,Улз-Баян-Уул,Хэрлэн 1-4,Хөх нуур 37-р зөрлөг,Нөмрөг хилийн застав зэрэг хяналт шинжилгээний 13 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.

2022 оны 5 дугаар  сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

Халх гол, Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  210.3-306.8 мг/л-т хэлбэлзэж байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 215.6 мг/л байна.

Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4  цэгээс сорьц авсан. Усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 286.9-317.4 мг/л-т хэлбэлзэж байна.

Улз гол, хөтөлбөрийн дагуу Улз голын Эрээнцав, Улз Баян-Уул хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз-Эрээнцав голын усны эрдэсжилт 404.3-489.2 мг/л-т хэлбэлзэж байсан ба Аммони азотын агууламж нь ХА-аас давсан бохирдолтой байна.

Нөмрөг, хөтөлбөрийн дагуу Нөмрөг голын хяналт шинжилгээний  цэгээс усны сорьц авч, усны химийн найрлага, чанарын үзүүлэлтүүдийг тодорхойллоо. Нөмрөг голын усны эрдэсжилт нь 342.2 мг/л хэлбэлзэж байсан байна.

Хөхнуур, Хөхнуур – 37-р зөрлөг хяналт шинжилгээний цэгээс сорьц авч  усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 6818.5 мг/л бусад цэгээс их эрдэсжилттэй ба Перманганатын исэлдэх чанар нь ХА-аас давсан бохирдолтой байна.

Дүгнэлт:

Дорнод аймгийн гадаргын усны 2022 оны 5 дугаар сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 804.7 мг/л ба  хамгийн их эрдэсжилттэй Хөх нуурын ус нь 6818.5 мг/л, хамгийн бага эрдэсжилттэй нь Халх доод чиглэлийн  ус нь  210.3 м/л-т хэлбэлзэж байлаа.

Усны чанарын үзүүлэлтийг MNS4586-98 усны чанарын стандарттай харьцуулахад Улз-Эрээнцав голын усны эрдэсжилт 404.3-489.2 мг/л-т хэлбэлзэж байсан ба Аммони азотын агууламж нь ХА-аас давсан бохирдолтой байна. Хөх нуур 37-р зөрлөгийн  усны эрдэсжилт 6818.5 мг/л байсан ба бусад цэгээс их эрдэсжилттэй ба Перманганатын исэлдэх чанар нь ХА-аас давсан бохирдолтой байна. Бусад гол нуурын ус нь стандартын дагуу байлаа.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2022.06.02