Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2023 оны 2 ДУГААР сарын төлөв байдал
ДОРНОД АЙМГИЙН ГАДАРГЫН УСНЫ ЧАНАРЫН
2023 ОНЫ 2 ДУГААР САРЫН ТӨЛӨВ БАЙДАЛ
Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2023 оны 2 дугаар сард Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур, Буйр нуур-Загасны үйлдвэр, Улз-Эрээнцав, Улз-Баян-Уул зэрэг хяналт шинжилгээний 7 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо. 2023 оны 2 дугаар сард хийсэн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүлэв.
Халх гол, Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авч усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 236.3-325.1 мг/л-т хэлбэлзэж байна. Халхгол дээд, доод, Баянхошуу, Буйрнуур усны аммонийн азотын агууламжийн хэмжээ MNS4586-98 усны чанарын стантдартаас давсан байна.
Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 446.9 мг/л байна. Буйр нуур усны аммонийн азотын агууламжийн хэмжээ MNS4586-98 усны чанарын стантдартаас давсан байна.
Улз гол, хөтөлбөрийн дагуу Улз голын Эрээнцав, Улз Баян-Уул хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 1498.8-2000.3 мг/л-т хэлбэлзэж байна. Улз голын Эрээнцав хяналт шинжилгээний цэгийн сорьцон дахь фосфор, Фтори, аммонийн азотын агууламжийн хэмжээ MNS4586-98 усны чанарын стантдартаас давсан байна.
Дүгнэлт:
Дорнод аймгийн гадаргын усны 2023 оны 2 дугаар сарын хяналт-шинжилгээний дүнгээс үзэхэд гол, нуурын усны эрдэсжилтийн дундаж нь 728.6 мг/л ба хамгийн их эрдэсжилттэй Улз Эрээнцав харуулын ус нь 2000.3 мг/л, хамгийн бага эрдэсжилттэй нь Халх гол доод ус нь 236.3 м/л-т байлаа. Улз голын Эрээнцав, Халхгол дээд, доод, Баянхошуу, Буйрнуур, Халхгол-Буйр, Улз Баян-Уул хяналт шинжилгээний 7 цэгийн сорьцон дахь аммонийн азот, Улз-Эрээнцав хяналт шинжилгээний цэгийн сорьцон дахь фосфор, Фтори, аммонийн агууламжийн нь MNS4586-98 усны чанарын стантдартаас давсан үзүүлэлттэй байна.
Бусад гол нуурын усны чанарын үзүүлэлт нь MNS4586-98 усны чанарын стандартын дагуу байна. Хэрлэн голын 1-4 дүгээр чиглэлийн хяналт шинжилгээний цэгийн ус нь ёроолдсон байна.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2023.03.01