2021 ОНЫ ДОЛООДУГААР САРЫН ДУНД АРАВ ХОНОГИЙН ЦАГ АГААРЫН ТОЙМ

/2021 оны 07 дугаар сарын 11-20-ны байдлаар/

Агаарын  температур:

         Дорнод аймгийн нутгаар агаарын дундаж температур 19,7...23,9 градус буюу Дашбалбар, Баян-Уул, Баяндун, Сэргэлэн, Чулуунхороот, Цагаан-Овоо сумдын нутгаар олон жилийн дунджийн орчим, бусад сумдын нутгаар олон жилийн дунджаас 1,5...2,6 градусаар дулаан байна. /Зураг.1/

Агаарт үнэмлэхүй их температур 29,0...35,0 градус дулаан, үнэмлэхүй бага температур 10,0…15,0 градус байна.

Хөрсний гадаргын температур:

Хөрсний гадаргын дундаж температур 23.0...31.0 градус дулаан, үнэмлэхүй их /халуун/ нь 52,0...60,0 градус дулаан байлаа.

Хур тунадас: Нийт сумдын нутгаар 5,9...87,3 мм хур тунадас орсон ба Хөлөнбуйр сумын нутгаар олон жилийн дунджаас бага, Чойбалсан хот, Матад, Баянтүмэн сумдын нутгаар дунджийн орчим бусад сумдын нутгаар олон жилийн дунджаас их хур тунадас орсон байна.

Салхи шуурга:

Салхины хамгийн их хурд нийт нутгаар 5-13 м/сек байсан ба Чойбалсан хот, Дашбалбар, Матад, Халхгол, Баян-Уул сумдын нутгаар 10-13 м/с, бусад сумдын нутгаар 5-9 м/с байна. 10 м/с-ээс дээш салхитай өдөр 1-4 өдөр ажиглагджээ.

Бэлчээрийн ургамал: Дорнод аймгийн Матад сумын урд хэсгээр бэлчээрийн ургамлын ургалтын байдал дунд зэрэг бусад сумдын нутгаар сайн байна. Бэлчээрийн ургамлын дундаж өндөр 13-40 см байна.

Хөдөө аж ахуйн үйлдвэрлэлд: Мал аж ахуйн үйлдвэрлэлд ноос хяргах ажил явагдаж байна.

Дорнод аймаг УЦУОШТөв