2022 ОНЫ ЗУРГААДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2022 оны 06 дугаар сарын 1-10-ны байдлаар/

Агаарын  температур:

          Дорнод аймгийн нутгаар  агаарын дундаж температур  13.4...19.7  хэм  дулаан буюу  Булган,  Халхгол  Ялалт баг,    Цагаан-овоо   сумдын нутгаар  олон жилийн дундажаас  1.2...1.8  хэм дулаан, бусад сумдын нутгаар олон жилийн дундаж орчим байна.  Агаарт үнэмлэхүй их температур  23...29  хэм  дулаан  байна.  /Зураг-1/

Хөрсний гадаргын температур: Хөрсний гадаргын дундаж температур 18...24 хэм дулаан, үнэмлэхүй их /халуун/ нь  45...61 хэм  дулаан байлаа.

Хур тунадас:  Нийт сумдын нутгаар  0.9...39.5  мм хур тунадастай,  2-7  өдөр орсон.  Матад, Халхгол,  Халхгол  Ялалт баг,  Чулуунхороот сумдын нутгаар олон жилийн дундажаас бага,   бусад сумдын нутгаар олон жилийн дундажаас их хур тунадас орсон байна. /Зураг-2/

Салхи : Салхины хамгийн их хурд нийт нутгаар 9-21 м/сек байна. Баян-Уул,  Халхгол суманд 16-21 м/сек,  бусад сумдын нутгаар     8-14 м/с хүрч салхилсан. 10 м/с-ээс дээш салхитай өдөр 1-8 өдөр ажиглагджээ.

Хөдөө аж ахуйн үйлдвэрлэлд: Баян-Уул, Баянтүмэн, Дашбалбар, Халхгол Ялалт баг , Матад, Гурванзагал сумдад  бод мал төллөх  ажил тус бүр явагдаж байна.

Дорнод аймаг УЦУОШТөв