2023 ОНЫ АРВАННЭГДҮГЭЭР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2023 оны 11 дүгээр сарын 01-10-ны байдлаар/

Агаарын  температур: Дорнод аймгийн нутгаар  агаарын дундаж температур -7.6.....-12.7  градус хүйтэн буюу нийт нутгаар олон жилийн дунджаас 1.5...6.4 градусаар хүйтэн. /Зураг.1/  Агаарт үнэмлэхүй их температур  -3...+6  градус дулаан, үнэмлэхүй бага температур  -18...-31  градус хүйтэн байсан байна.

Хөрсний гадаргын температур: Хөрсний гадаргын дундаж температур -6...-13 градус хүйтэн, үнэмлэхүй их /халуун/ нь -1...+12 градус дулаан, үнэмлэхүй бага /хүйтэн/ нь -21...-30 градус хүйтэн байлаа.

Хур тунадас:  Нийт сумдын нутгаар  0.7...11.6 мм хур тунадастай. Нийт нутгаар олон жилийн дунджаас их хур тунадас орсон. /зураг-2/

Цасан бүрхэц: Нийт нутгаар жигд 10 баллын цасан бүрхүүлтэй, цасны дундаж зузаан 3-11см, цасны дундаж нягт 0.09-0.16гр/см³ байна.

Салхи шуурга:Салхины хамгийн их хурд нийт нутгаар  5-12 м/с байна. Чойбалсан хот болон Дашбалбар, Матад, Халхгол сумдад 11-12м/с, бусад сумдаар 5-10м/с байв.  10 м/с-ээс дээш салхитай өдөр  1-6 өдөр ажиглагджээ.

Хөдөө аж ахуйн үйлдвэрлэлд:  Эрээнцав суманд мал оторлох, Баян-Уул, Матад суманд мал хээлтүүлэх ажил явагдаж байна.

Дорнод аймаг УЦУОШТөв