2023 ОНЫ ДОЛООДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2023 оны 07 дугаар сарын 01-10-ны байдлаар/

Агаарын  температур:

              Дорнод аймгийн нутгаар  агаарын дундаж температур  +17.0...+22.4  градус дулаан буюу нийт нутгаар олон жилийн дунджийн орчим байсан байна. /Зураг.1/  Агаарт үнэмлэхүй их температур  +24.0...+33.0 градус дулаан, +30 градусаас давж халсан 1 өдөр, үнэмлэхүй бага температур  +9.0…+12.0  градус байна.

Хөрсний гадаргын температур:  Хөрсний гадаргын дундаж температур +20.0...+30.0 градус дулаан, үнэмлэхүй их /халуун/ нь +48.0...+61.0 градус дулаан, +40 градусаас давж халсан 3-10 өдөр, үнэмлэхүй бага /хүйтэн/ нь  +8.0...+12.0 градус дулаан байлаа.

Хур тунадас: Нийт сумдын нутгаар  21.0...71.2мм хур тунадастай, 5-9 өдөр орсон. Ихэнх нутгаар олон жилийн дунджаас их орсон байна. /зураг-2/

Зуншлагын байдал: Матад сумын нийт, Дашбалбар сумын баруун, зүүн, өмнөд хэсэг, Чойбалсан хотын хойд хэсгээр ургамлын ургалтын үнэлгээ буурсан хэвээр байна.

Салхи шуурга: Салхины хамгийн их хурд нийт нутгаар 5-19м/с байна. Баянтүмэн, Чойбалсан, Булган, Гурванзагал, Сэргэлэн, Хөлөнбуйр сумдаар 5-10м/с, бусад нутгаар 12-19м/с байна. 10 м/с-ээс дээш салхитай өдөр  1-8 өдөр ажиглагджээ.

Хөдөө аж ахуйн үйлдвэрлэлд: Матад суманд бод мал төллүүлэх, Чулуунхороот суманд мал оторлох, Чойбалсан хот, Дашбалбар, Баян-Уул, Баянтүмэн, Ялалт багаар хонины ноос хяргах, Баян-Уул суманд мал хээлтүүлэх ажил тус бүр явагдаж байна.

Дорнод аймаг УЦУОШТөв