2024 оны 11 дүгээр сарын 25-наас 12 дугаар сарын 02-ныг хүртэлх цаг агаарын урьдчилсан төлөв.

 Малчид, иргэд, тээвэрчдийн анхааралд:

24-нөөс 25-нд шилжих шөнө ихэнх, 25-наас 27-нд нутгийн зүүн хагаст цас орж цасан шуурга шуурах үзэгдэх орчин хчзгаарлагдаж, зам даваа гүвээнд мөстөлт, халтиргаа, гулгаа үүсэж нийт нутгаар хүйтрэхийг онцгойлон анхааруулж байна.

Дорнод аймгийн нутгаар: 24-нөөс 25-нд шилжих шөнө ихэнх нутгаар, 25-наас 27-нд зүүн хагаст цас орж цасан шуурга шуурна. Салхи их төлөв баруунаас секундэд 5-10 метр, зарим нутгаар секундэд 10-15 метр хүрч ширүүснэ. Хугацааны эхээр нийт нутгаар хүйтэрч шөнөдөө -17...-22 градус, өдөртөө -7...-13 градус, хугацааны эцсээр шөнөдөө -12...-17 градус хүйтэн, өдөртөө -6...-11 градус хүйтэн байна.

Чойбалсан хот орчмоор: 24-нөөс 25-нд шилжих шөнө, 27-нд ялимгүй цас орно. Салхи их төлөв баруунаас секундэд 5-10 метр. Хугацааны эхээр хүйтэрч шөнөдөө -14...-19 градус, өдөртөө -7...-12 градус, хугацааны эцсээр шөнөдөө -11...-16 градус, өдөртөө -3...-8 градус хүйтэн байна.