2024 ОНЫ НАЙМДУГААР САРЫН ГУРАВДУГААР АРАВ ХОНОГИЙН ЦАГ АГААРЫН ТОЙМ

2024 ОНЫ НАЙМДУГААР САРЫН ГУРАВДУГААР АРАВ ХОНОГИЙН

ЦАГ АГААРЫН ТОЙМ

/2024 оны 08 дугаар сарын 21-31-ны байдлаар/

Агаарын  температур:

Агаарын дундаж температур 17.4...20,2 градус дулаан буюу Халхгол сум олон жилийн дунджийн орчим бусад нутгаар нутгаар олон жилийн дунджаас 1.4 - 3.0 градусаар дулаан байлаа. /Зураг.1/  Агаарт үнэмлэхүй их температур  +26...+33 градус дулаан, үнэмлэхүй бага температур  7...12 градус дулаан байсан байна.

Хөрсний гадаргын температур:

Хөрсний гадаргын дундаж температур 21...28 градус дулаан, үнэмлэхүй их /халуун/ нь 43...56 градус дулаан, үнэмлэхүй бага /хүйтэн/ нь 7...11 градус дулаан байлаа.

Хур тунадас:  

Нийт сумдын нутгаар  14.0 - 49.0 мм хур тунадас (3-5 хоног) орсон ба Матад, Халхгол Ялалт багийн нутгаар олон жилийн дунджаас бага, Дашбалбар, Баянтүмэн сумдын нутгаар дунджийн орчим бусад сумдын нутгаар олон жилийн дунджаас ахиу хур тунадас орсон байна. /Зураг.2/

Ургамжилт:

Чойбалсан хотын хойд, Дашбалбар сумын ихэнх хэсгээр ургамлын үнэлгээ буурсан  хэвээр байгаа ба бусад сумдын нутгаар хэвийн байна.

Салхи шуурга:

Салхины хамгийн их хурд нийт нутгаар 5-18 м/с байсан ба Дашбалбар, Баяндун, Матад сумдын нутгаар 13-18 м/с, бусад сумдын нутгаар 5-11 м/с байв. 10м/с болон түүнээс дээш салхилсан 1-5 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдын нутгаар хадлан тэжээл бэлтгэх, Баян-Уул мал хээлтүүлэх, Дашбалбар, Халхгол, Баянтүмэн сумдад мал ногоолуулах, Дашбалбар, Баянтүмэн, Чулуунхороот сумдад мал оторлох, Баян-Уул, Цагаан-Овоо суманд сүү сааль бэлтгэх ажил тус бүр явагдаж байна.

Дорнод аймаг УЦУОШТөв