2024 ОНЫ АРАВДУГААР САРЫН ГУРАВДУГААР АРАВ ХОНОГИЙН ЦАГ АГААРЫН ТОЙМ

/2024 оны 10 дугаар сарын 21-31-ны байдлаар/

Агаарын  температур:

Агаарын дундаж температур -2.7...3.1 градус дулаан буюу Чойбалсан сумын нутгаар олон жилийн дунджийн орчим бусад сумдын нутгаар 1.2...3.8 градусаар дулаан байлаа. /Зураг.1/  Агаарт үнэмлэхүй их температур  9...14 градус дулаан, үнэмлэхүй бага температур  -7...17 градус хүйтэн байсан байна.

Хөрсний гадаргын температур:

Хөрсний гадаргын дундаж температур -4...5 градус дулаан, үнэмлэхүй их /халуун/ нь 9...30 градус дулаан, үнэмлэхүй бага /хүйтэн/ нь -7...-19 градус хүйтэн байлаа.

Хур тунадас:  

Нийт сумдын нутгаар  0.0...6.6 мм хур тунадас (1-4 хоног) орсон ба Баян-Уул, Баяндун, Халхгол Ялалт багийн нутгаар олон жилийн дунджийн орчим, Дашбалбар, Халхгол, Гурванзагал, Чулуунхороот сумдын нутгаар олон жилийн дунджаас их бусад сумдын нутгаар олон жилийн дунджаас бага хур тунадас орсон байна. /Зураг.2/

Салхи шуурга:

Салхины хамгийн их хурд нийт нутгаар 8-23 м/с байсан ба Чойбалсан хот, Дашбалбар, Халхгол, Матад, Чулуунхороот сумдын нутгаар 16-23 м/с, бусад сумдын нутгаар 8-14 м/с байв. 10м/с болон түүнээс дээш салхилсан 1-4 өдөр ажиглагджээ.

Хөдөө аж ахуйн үйлдвэрлэлд:  Баян-Уул, Булган, Халхгол харуул, Цагаан-Овоо сумдын нутгаар хадлан тэжээл бэлтгэх, Баян-Уул, Халхгол харуулын нутгаар сааль сүү бэлтгэх ажил явагдаж байна.

Дорнод аймаг УЦУОШТөв