2024 ОНЫ АРВАННЭГДҮГЭЭР САРЫН ХОЁРДУГААР АРАВ ХОНОГИЙН ЦАГ АГААРЫН ТОЙМ

/2024 оны 11 дүгээр сарын 11-20-ны байдлаар/

Агаарын  температур:

Агаарын дундаж температур -3.9...-5.4 градус хүйтэн буюу нийт сумдын нутгаар олон жилийн дунджаас 3.0...7.6 градусаар дулаан байлаа. /Зураг.1/  Агаарт үнэмлэхүй их температур  5...11 градус дулаан, үнэмлэхүй бага температур  -15...-23 градус хүйтэн байсан байна.

Хөрсний гадаргын температур:

Хөрсний гадаргын дундаж температур -4...-8 градус хүйтэн, үнэмлэхүй их /халуун/ нь 7...14 градус дулаан, үнэмлэхүй бага /хүйтэн/ нь -15...-23 градус хүйтэн байлаа.

Хур тунадас:  

Нийт сумдын нутгаар 0.0...3.5 мм хур тунадас (1-4 хоног) орсон ба Баян-Уул сум олон жилийн дунджаас их, Баяндун сум дунджийн орчим бусад сумдын нутгаар олон жилийн дунджаас бага хур тунадас орсон байна. Чойбалсан хот, Матад, Баянтүмэн, Булган, Хөлөнбуйр, Хэрлэн, Цагаан-Овоо сумдын нутгаар хур тунадас ороогүй байна. /Зураг.2/

Салхи шуурга:

Салхины хамгийн их хурд нийт нутгаар 7-16 м/с байсан ба Чойбалсан хот, Дашбалбар, Халхгол, Матад, Баян-Уул сумдын нутгаар 13-16 м/с, бусад сумдын нутгаар 7-12 м/с байв. 10м/с болон түүнээс дээш салхилсан 1-6 өдөр ажиглагджээ.

Хөдөө аж ахуйн үйлдвэрлэлд:  Дашбалбар, Чулуунхороот сумдын нутгаар мал оторлох, Баян-Уул, Баянтүмэн, Булган сумдын нутгаар мал хээлтүүлэх ажил явагдаж байна. 

Дорнод аймаг УЦУОШТөв