2024 ОНЫ ЕСДҮГЭЭР САРЫН ХОЁРДУГААР АРАВ ХОНОГИЙН ЦАГ АГААРЫН ТОЙМ

/2024 оны 09 дүгээр сарын 11-20-ны байдлаар/

Агаарын  температур:

Агаарын дундаж температур 9,3...14,6 градус дулаан буюу Чойбалсан хот олон жилйин дунджаас 1,3 градусаар хүйтэн, Булган, Халхгол Ялалт баг, Чулуунхороот сумдын нутгаар 1,4...2,5 градусаар дулаан бусад сумдын нутгаар олон жилийн дунджийн орчим байлаа. /Зураг.1/  Агаарт үнэмлэхүй их температур  22...26 градус дулаан, үнэмлэхүй бага температур  0...4 градус хүйтэн байсан байна.

Хөрсний гадаргын температур:

Хөрсний гадаргын дундаж температур 14...20 градус дулаан, үнэмлэхүй их /халуун/ нь 31...49 градус дулаан, үнэмлэхүй бага /хүйтэн/ нь 0...3 градус хүйтэн байлаа.

Хур тунадас:  

Нийт сумдын нутгаар  0.0...9.7 мм хур тунадас (1-4 хоног) орсон ба Баяндун, Гурванзагал, Цагаан-Овоо сумдын нутгаар олон жилийн дунджийн орчим, бусад сумдын нутгаар олон жилийн дунджаас бага хур тунадас орсон. Матад, Баянтүмэн сумдын нутгаар хур тунадас ороогүй байна. /Зураг.2/

Салхи шуурга:

Салхины хамгийн их хурд нийт нутгаар 9-18 м/с байсан ба Дашбалбар, Баян-Уул, Халхгол Матад сумдын нутгаар 15-18 м/с, бусад сумдын нутгаар 8-12 м/с байв. 10м/с болон түүнээс дээш салхилсан 1-7 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдын нутгаар хадлан тэжээл бэлтгэх, Баян-Уул мал хээлтүүлэх, Дашбалбар, Халхгол, Баянтүмэн сумдад мал ногоолуулах, Дашбалбар, Баянтүмэн, Чулуунхороот сумдад мал оторлох, Баян-Уул, Цагаан-Овоо суманд сүү сааль бэлтгэх ажил тус бүр явагдаж байна.

Дорнод аймаг УЦУОШТөв