2024 ОНЫ АРАВДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2024 оны 10 дугаар сарын 01-10-ны байдлаар/

Агаарын  температур:

Агаарын дундаж температур 5,0...8,1 градус дулаан буюу Баянтүмэн, Булган, Сэргэлэн, Халхгол Ялалт баг, Цагаан-Овоо, Чулуунхороот сумдын нутгаар 1,2...2,2 олон жилийн дунджаас дулаан, бусад сумдын нутгаар олон жилийн дунджийн орчим байлаа. /Зураг.1/  Агаарт үнэмлэхүй их температур  25...36 градус дулаан, үнэмлэхүй бага температур  -4...-9 градус хүйтэн байсан байна.

Хөрсний гадаргын температур:

Хөрсний гадаргын дундаж температур 11...15 градус дулаан, үнэмлэхүй их /халуун/ нь 34...42 градус дулаан, үнэмлэхүй бага /хүйтэн/ нь -6...+1 градус байлаа.

Хур тунадас:  

Дашбалбар, Гурванзагал, Чулуунхороот сумдын нутгаар олон жилийн дунджаас бага хур тунадас орсон ба, бусад сумдын нутгаар хур тунадас ороогүй байна.  

Салхи шуурга:

Салхины хамгийн их хурд нийт нутгаар 8-19 м/с байсан ба Чойбалсан хот, Дашбалбар, Халхгол, Матад, Баян-Уул, Баяндун сумдын нутгаар 14-18 м/с, бусад сумдын нутгаар 8-12 м/с байв. 10м/с болон түүнээс дээш салхилсан 1-8 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдын нутгаар хадлан тэжээл бэлтгэх  ажил явагдаж байна.

Дорнод аймаг УЦУОШТөв