2024 ОНЫ ЕСДҮГЭЭР САРЫН ГУРАВДУГААР АРАВ ХОНОГИЙН ЦАГ АГААРЫН ТОЙМ

/2024 оны 09 дүгээр сарын 21-30-ны байдлаар/

Агаарын  температур:

Агаарын дундаж температур 7,6...12,4 градус дулаан буюу Чойбалсан хот, Матад, Баянтүмэн, Хөлөнбуйр, Цагаан-Овоо олон жилйин дунджийн орчим, бусад сумдын нутгаар 1,2...3,2 градусаар дулаан байлаа. /Зураг.1/  Агаарт үнэмлэхүй их температур  20...25 градус дулаан, үнэмлэхүй бага температур  -4...+1 градус байсан байна.

Хөрсний гадаргын температур:

Хөрсний гадаргын дундаж температур 11...15 градус дулаан, үнэмлэхүй их /халуун/ нь 34...42 градус дулаан, үнэмлэхүй бага /хүйтэн/ нь -6...+1 градус байлаа.

Хур тунадас:  

Нийт сумдын нутгаар  7.0...73.4 мм хур тунадас (2-7 хоног) орсон ба Баян-Уул, Баяндун сумдын нутгаар олон жилийн дунджийн орчим, бусад сумдын нутгаар олон жилийн дунджаас их хур тунадас орсон.  /Зураг.2/

Салхи шуурга:

Салхины хамгийн их хурд нийт нутгаар 8-19 м/с байсан ба Чойбалсан хот, Дашбалбар, Матад, Халхгол, Баян-Уул, Баяндун сумдын нутгаар 15-19 м/с, бусад сумдын нутгаар 6-12 м/с байв. 10м/с болон түүнээс дээш салхилсан 1-8 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдын нутгаар хадлан тэжээл бэлтгэх, Баян-Уул мал хээлтүүлэх, Дашбалбар, Баянтүмэн, Чулуунхороот сумдад мал оторлох, Баян-Уул, Цагаан-Овоо суманд сүү сааль бэлтгэх ажил тус бүр явагдаж байна.

Дорнод аймаг УЦУОШТөв