2024 ОНЫ ЕСДҮГЭЭР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

2024 ОНЫ ЕСДҮГЭЭР САРЫН НЭГДҮГЭЭР АРАВ ХОНОГИЙН

ЦАГ АГААРЫН ТОЙМ

/2024 оны 09 дүгээр сарын 01-10-ны байдлаар/

Агаарын  температур:

Агаарын дундаж температур 14,6...19,3 градус дулаан буюу нийт сумдын нутгаар олон жилийн дунджаас 2.4 - 4.2 градусаар дулаан байлаа. /Зураг.1/  Агаарт үнэмлэхүй их температур  27...31 градус дулаан, үнэмлэхүй бага температур  4...7 градус дулаан байсан байна.

Хөрсний гадаргын температур:

Хөрсний гадаргын дундаж температур 19...23 градус дулаан, үнэмлэхүй их /халуун/ нь 39...57 градус дулаан, үнэмлэхүй бага /хүйтэн/ нь 4...7 градус дулаан байлаа.

Хур тунадас:  

Нийт сумдын нутгаар  0.0...14.0 мм хур тунадас (1-4 хоног) орсон ба Дашбалбар, Гурванзагал, Цагаан-Овоо сумдын нутгаар олон жилийн дунджийн орчим, бусад сумдын нутгаар олон жилийн дунджаас бага хур тунадас орсон. Халхгол сумын нутгаар хур тунадас ороогүй байна. /Зураг.2/

Ургамжилт:

Чойбалсан хотын хойд, Дашбалбар сумын ихэнх хэсгээр ургамлын үнэлгээ буурсан  хэвээр байгаа ба бусад сумдын нутгаар хэвийн байна.

Салхи шуурга:

Салхины хамгийн их хурд нийт нутгаар 10-20 м/с байсан ба Дашбалбар, Баян-Уул, Баяндун Матад сумдын нутгаар 18-20 м/с, бусад сумдын нутгаар 10-14 м/с байв. 10м/с болон түүнээс дээш салхилсан 1-4 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдын нутгаар хадлан тэжээл бэлтгэх, Баян-Уул мал хээлтүүлэх, Дашбалбар, Халхгол, Баянтүмэн сумдад мал ногоолуулах, Дашбалбар, Баянтүмэн, Чулуунхороот сумдад мал оторлох, Баян-Уул, Цагаан-Овоо суманд сүү сааль бэлтгэх ажил тус бүр явагдаж байна.

Дорнод аймаг УЦУОШТөв