Цаг уурын мэдээ > Хөдөө аж ахуйн цаг уурын тойм
2023 ОНЫ НАЙМДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ
![](/images/blank.gif)
![](/images/blank.gif)
/2023 оны 08 дугаар сарын 1-11-ний байдлаар/
Агаарын температур:
Дорнод аймгийн нутгаар агаарын дундаж температур +18.4...+22.8 градус дулаан буюу бүх нутгаар олон жилийн дунджийн орчим байсан байна. /Зураг.1/ Агаарт үнэмлэхүй их температур +31.0...+38.0 градус дулаан, +30 градусаас давж халсан 1-3 өдөр, үнэмлэхүй бага температур +9.0…+13.0 градус дулаан байсан байна.
Хөрсний гадаргын температур: Хөрсний гадаргын дундаж температур +22.0...+30.0 градус дулаан, үнэмлэхүй их /халуун/ нь +57.0...+62.0 градус дулаан, +40 градусаас давж халсан 2-8 өдөр, үнэмлэхүй бага /хүйтэн/ нь +8.0...+12.0 градус дулаан байлаа.
Хур тунадас: Нийт сумдын нутгаар 0.0...99.4мм хур тунадастай, 2-8 өдөр орсон. Матад, Чулуунхороот сумдаар олон жилийн дунджаас бага, Баян-Уул, Баяндун, Баянтүмэн, Цагаан-Овоо сумдаар олон жилийн дунджаас их, бусад нутгаар олон жилийн дунджийн орчим орсон байна. /зураг-2/
Зуншлагын байдал: Чойбалсан хотын хойд болон Дашбалбар сумын нийт нутгаар ургамлын ургалтын үнэлгээ буурсан хэвээр байна. /зураг-3/
Салхи шуурга: Салхины хамгийн их хурд нийт нутгаар 6-20м/с байна. Чойбалсан хот, Баян-Уул, Дашбалбар, Халхгол, Матад сумдад 13-20м/с, бусад нутгаар 6-11м/с байна. 10 м/с-ээс дээш салхитай өдөр 1-7 өдөр ажиглагджээ.
Хөдөө аж ахуйн үйлдвэрлэлд: Чулуунхороот, Халхгол сумдад мал оторлох, Баян-Уул суманд мал хээлтүүлэх ажил тус бүр явагдаж байна.
Дорнод аймаг УЦУОШТөв