2024 ОНЫ ТАВДУГААР САРЫН ГУРАВДУГААР АРАВ ХОНОГИЙН ЦАГ АГААРЫН ТОЙМ

/2024 оны 05 дугаар сарын 21-31-ний байдлаар/

Агаарын  температур: Дорнод аймгийн нутгаар  агаарын дундаж температур +12.5...+17.3 градус дулаан буюу Баян-Уул, Матад, Халхгол орчмоор олон жилийн дунджаас 0.5-1.0 градусаар хүйтэн, бусад нутгаар олон жилийн дунджаас 0.4-2.5 градусаар дулаан байлаа. /Зураг.1/  Агаарт үнэмлэхүй их температур  +27...+32 градус дулаан, үнэмлэхүй бага температур  -2...+4 градус дулаан байсан байна.

Хөрсний гадаргын температур: Хөрсний гадаргын дундаж температур +12...+24 градус дулаан, үнэмлэхүй их /халуун/ нь +40...+59 градус дулаан, үнэмлэхүй бага /хүйтэн/ нь 0...+7 градус дулаан байлаа.

Хур тунадас:  Чулуунхороот сумаас бусад сумдын нутгаар  0.3-20.3мм хур тунадас (2-6 хоног) орсон ба нутгийн төв болон зүүн хагаст олон жилийн дунджаас ахиу, бусад сумдын нутгаар олон жилийн дунджаас бага хур тунадас орсон. Зураг.2/

Ургамжилт: Нийт нутгаар ургамалжилт хэвийн явагдаж байна.

Салхи шуурга: Салхины хамгийн их хурд нийт нутгаар  7-19м/с байсан ба Чойбалсан хот болон Дашбалбар, Матад, Баян-Уул, Халхгол, Баяндун сумдын нутгаар 16-19м/с, бусад сумдын нутгаар 7-12м/с байв. 10м/с болон түүнээс дээш салхилсан 1-8 өдөр ажиглагджээ.

Хөдөө аж ахуйн үйлдвэрлэлд:  Ихэнх сумдад бог, бод мал төллөх ажил явагдаж байна.

Дорнод аймаг УЦУОШТөв