Цаг уурын мэдээ > Хөдөө аж ахуйн цаг уурын тойм

2024 ОНЫ ГУРАВДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

Шинэчлэгдсэн: 2024-03-18 19:05:09

/2024 оны 03 дугаар сарын 01-10-ны байдлаар/

Агаарын  температур: Дорнод аймгийн нутгаар  агаарын дундаж температур -8.6...-15.7 градус хүйтэн буюу Баяндун олон жилийн дунджийн орчим, бусад нутгаар олон жилийн дунджаас 1.2-5.1 градусаар хүйтэн байлаа. /Зураг.1/  Агаарт үнэмлэхүй их температур  -7...+6 градус дулаан, үнэмлэхүй бага температур  -18...-32 градус хүйтэн байсан байна.

Хөрсний гадаргын температур: Хөрсний гадаргын дундаж температур -11...-20 градус хүйтэн, үнэмлэхүй их /халуун/ нь -2...+20 градус дулаан, үнэмлэхүй бага /хүйтэн/ нь -21...-33 градус хүйтэн байлаа.

Хур тунадас:  Дашбалбар, Халхголын сав нутгаар  0.0мм хур тунадас (1 хоног) орсон ба олон жилийн дунджаас бага хур тунадас орсон. Бусад сумдын нутгаар цас ороогүй байна./Зураг.2/

Цасан бүрхэц: Нийт нутгаар жигд 4-10 баллын цасан бүрхүүлтэй, цасны дундаж зузаан 1-20см, цасны дундаж нягт 0.18-0.27гр/см3 байна.

 

Монгол Улсын Засгийн газрын 2015 оны 7 дугаар сарын 07-ны 286 тогтоолын Ган, Зудын байдалд үнэлгээ хийх журмын 3 дугаар бүлгийн Зудыг үнэлэх шалгуур үзүүлэлтээр 2024 оны 03 дүгаар сарын 10-ны байдлаар аймгийн зудын эрсдэлийг үнэлэхэд Халхгол сум, Гурванзагал сум, Сэргэлэн сум, Баянтүмэн сум, Булган сумын Хулсан шанд, Баян-Уул баг, Матад сумын Жаргалант, Буян-Өндөр баг, Цагаан-Овоо сумын Зүрх, Бэлчир хүрээт багаар цасны дундаж зузаан 10-19см, хунгартаа 17-44см, цасны нягт 0.25-0.33гр/см3 буюу “ЦАГААН ЗУД”, Баян-Уул, Баяндун, Хөлөнбуйр, Чойбалсан сумын нийт, Чойбалсан хотын зүүн хэсэг, Дашбалбар сумын Номинт, Сэвсүүл жараахай, Чух, Улз баг, Булган сумын Өндөр хошуу, Чулуут, Баян-Уул баг, Цагаан-Овоо сумын Баянгол, Элст боон, Гүн цэнгэлэг багаар цасны дундаж зузаан 8-16см, хунгар газартаа 15-30см, цасны нягт 0.14-0.24гр/см3 буюу "ЦАГААНААР ЗУДАРХУУ" байна.

 

Салхи шуурга: Салхины хамгийн их хурд нийт нутгаар  4-14 м/с байсан ба Чойбалсан хот болон Дашбалбар, Матад, Баян-Уул сумдын нутгаар 11-14м/с, бусад сумдын нутгаар 4-9м/с байв. 10м/с болон түүнээс дээш салхилсан 1-6 өдөр ажиглагджээ.

Хөдөө аж ахуйн үйлдвэрлэлд:  Дашбалбар, Баян-Уул, Сэргэлэн сумдад мал оторлох, ихэнх сумдад малд нэмэгдэл тэжээл бэлтгэх, Дашбалбар, Баян-Уул, Гурванзагал сумдад хужир шүү бэлтгэх ажил явагдаж байна.

 

Дорнод аймаг УЦУОШТөв