2024 ОНЫ АРВАННЭГДҮГЭЭР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2024 оны 11 дүгээр сарын 01-10-ны байдлаар/

Агаарын  температур:

Агаарын дундаж температур -0.9...-5.4 градус хүйтэн буюу Чойбалсан хот, Хөлөнбуйр сумын нутгаар олон жилийн дунджийн орчим бусад сумдын нутгаар 1.2...5.2 градусаар дулаан байлаа. /Зураг.1/  Агаарт үнэмлэхүй их температур  5...11 градус дулаан, үнэмлэхүй бага температур  -10...-19 градус хүйтэн байсан байна.

Хөрсний гадаргын температур:

Хөрсний гадаргын дундаж температур 0...-5 градус хүйтэн, үнэмлэхүй их /халуун/ нь 9...17 градус дулаан, үнэмлэхүй бага /хүйтэн/ нь -11...-20 градус хүйтэн байлаа.

Хур тунадас:  

Нийт сумдын нутгаар 0.0...5.3 мм хур тунадас (1-2 хоног) орсон ба Дашбалбар сум олон жилийн дунджаас бага, Сэргэлэн сум дунджийн орчим бусад сумдын нутгаар олон жилийн дунджаас их хур тунадас орсон байна. Халхгол, Баяндун, Чойбалсан, Гурванзагал сумдын нутгаар хур тунадас ороогүй байна. /Зураг.2/

Салхи шуурга:

Салхины хамгийн их хурд нийт нутгаар 6-14 м/с байсан ба Чойбалсан хот, Дашбалбар, Халхгол, Матад, Баян-Уул, Баяндун сумдын нутгаар 11-14 м/с, бусад сумдын нутгаар 6-8 м/с байв. 10м/с болон түүнээс дээш салхилсан 1-5 өдөр ажиглагджээ.

Хөдөө аж ахуйн үйлдвэрлэлд:  Дашбалбар, Чулуунхороот сумдын нутгаар мал оторлох, Баян-Уул, Баянтүмэн, Булган сумдын нутгаар мал хээлтүүлэх ажил явагдаж байна.

Дорнод аймаг УЦУОШТөв