Цаг уурын мэдээ > Хөдөө аж ахуйн цаг уурын тойм
2024 ОНЫ ТАВДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ
![](/images/blank.gif)
![](/images/blank.gif)
/2024 оны 05 дугаар сарын 01-10-ны байдлаар/
Агаарын температур: Дорнод аймгийн нутгаар агаарын дундаж температур +10.6...+16.5 градус дулаан буюу бүх нутгаар олон жилийн дунджаас 3.0-6.8 градусаар дулаан байлаа. /Зураг.1/ Агаарт үнэмлэхүй их температур +25...+32 градус дулаан, үнэмлэхүй бага температур -4...+2 градус дулаан байсан байна.
Хөрсний гадаргын температур: Хөрсний гадаргын дундаж температур +14...+24 градус дулаан, үнэмлэхүй их /халуун/ нь +41...+51 градус дулаан, үнэмлэхүй бага /хүйтэн/ нь -5...+1 градус дулаан байлаа.
Хур тунадас: Нийт сумдын нутгаар 0.0-12.8мм хур тунадас (1-4 хоног) орсон ба Чойбалсан хот болон Дашбалбар, Матад, Баяндун, Баян-Уул,Цагаан-Овоо, Хөлөнбуйр сумдын нутгаар олон жилийн дунджаас ахиу, бусад сумдын нутгаар олон жилийн дунджаас бага хур тунадас орсон. Зураг.2/
Ургамжилт: Бүх сумдын нутгаар ургамлын ургалт хэвийн явагдаж байна.
Салхи шуурга: Салхины хамгийн их хурд нийт нутгаар 12-23 м/с байсан ба Дашбалбар, Матад, Баян-Уул, Халхгол сумдын нутгаар 18-23м/с, бусад сумдын нутгаар 12-17м/с байв. 10м/с болон түүнээс дээш салхилсан 2-8 өдөр ажиглагджээ.
Хөдөө аж ахуйн үйлдвэрлэлд: Ихэнх сумдад бог, бод мал төллөх, Дашбалбар, Баянтүмэн, Булган, Цагаан-Овоо, Чулуунхороот сумдад малд нэмэгдэл тэжээл өгөх, ажил явагдаж байна.
Дорнод аймаг УЦУОШТөв