2024 ОНЫ АРАВДУГААР САРЫН ХОЁРДУГААР АРАВ ХОНОГИЙН ЦАГ АГААРЫН ТОЙМ

/2024 оны 10 дугаар сарын 11-20-ны байдлаар/

Агаарын  температур:

Агаарын дундаж температур -0,4...4,3 градус дулаан буюу Баянтүмэн, Булган, Халхгол Ялалт багийн нутгаар 1,8...2,1 градусаар дулаан, Дашбалбар сумын нутгаар 1,8 градусаар хүйтэн, бусад сумдын нутгаар олон жилийн дунджийн орчим байлаа. /Зураг.1/  Агаарт үнэмлэхүй их температур  20...23 градус дулаан, үнэмлэхүй бага температур  -10...-16 градус хүйтэн байсан байна.

Хөрсний гадаргын температур:

Хөрсний гадаргын дундаж температур 1...5 градус дулаан, үнэмлэхүй их /халуун/ нь 24...32 градус дулаан, үнэмлэхүй бага /хүйтэн/ нь -11...-16 градус хүйтэн байлаа.

Хур тунадас:  

Нийт сумдын нутгаар  0,7...10,9 мм хур тунадас (2-3 хоног) орсон ба Халхгол, Чулуунхороот сумдын нутгаар олон жилийн дунджаас бага, бусад сумдын нутгаар олон жилийн дунджаас их хур тунадас орсон байна. /Зураг.2/

Салхи шуурга:

Салхины хамгийн их хурд нийт нутгаар 9-20 м/с байсан ба Чойбалсан хот, Дашбалбар, Халхгол, Матад, Баян-Уул, Баяндун сумдын нутгаар 16-20 м/с, бусад сумдын нутгаар 9-12 м/с байв. 10м/с болон түүнээс дээш салхилсан 1-9 өдөр ажиглагджээ.

Хөдөө аж ахуйн үйлдвэрлэлд:  Баян-Уул, Булган, Халхгол Ялалт баг, Цагаан-Овоо сумдын нутгаар хадлан тэжээл бэлтгэх, Баян-Уул, Халхгол Ялалт багийн нутгаар сааль сүү бэлтгэх ажил явагдаж байна.

Дорнод аймаг УЦУОШТөв