Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2017 оны 5 дугаар сарын төлөв байдал
Дорнод аймгийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2017 оны 5 дугаар сард Хэрлэн- 1-4 дүгээр чиглэл, Улз- Баян-Уул, Улз- Эрээнцав, Хөхнуур, Халх гол Сүмбэр дээд, доод цэг, Баянхошуу, Буйр нуур- Загасны үйлдвэр зэрэг хяналт-шинжилгээний 12 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.
2017 оны 5 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандартай харьцуулан 1 дүгээр хүснэгтэд үзүүллээ.
Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 266 -297 мг/л- гадаргын усны стандарт усан дахь хялбар исэлдэх органик бодис болон эрдэс азотын агууламж ХА-аас давсан тохиолдол ажиглагдаагүй байна.
Улз гол, хөтөлбөрийн дагуу Улз голын Баян-Уул, Эрээнцав хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 383 -2031 мг/л байсан, улз-эрээнцавын эрдэсжилт нь их, фосфор, фтор нь гадаргын усны стандартаас давсан байна.
Халх гол, Халх гол Сүмбэр дээд, Сүмбэр доод, Баянхошуу, Буйр хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 217-248 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна голын ус цэвэр байлаа.
Буйр нуур, Буйр- Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 118мг/л ба ХА-аас давсан тохиолдол ажиглагдаагүй байна
Хөхнуур, Хөхнуур – 37-р зөрлөг хяналт шинжилгээний цэгээс сорьц авч усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 6400 мг/л 37-р зөрлөг хяналт шинжилгээний цэгийн орчим нилээд их эрдэсжилттэй ба Фосфор, Фторын бохирдол нь ХА-аас давсан байна.
Дүгнэлт:
Дорнод аймгийн гадаргын усны 2017 оны 5 дугаар сарын хяналт-шинжилгээний дүнгээс үзэхэд Хөхнуурын усны эрдэсжилт 6400мг/л, Улз-Эрээнцавын усны эрдэсжилт 2031мг/л байсан ба бусад голын усны эрдэсжилт 118-297 мг/л-т хэлбэлзэж байлаа. Эдгээр голуудын усан дахь органик бодисын болон эрдэс азотын агууламж MNS4586-98 усны чанарын стандарт дахь хүлцэх агууламжаас давсан бохирдолгүй, голын ус цэвэр байсан ба Улз-Эрээнцав, Хөхнуурын хяналт шинжилгээний цэгийн орчим Фосфор, Фторын бохирдол нь ХА-аас давсан байна.
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ АЛБАНЫ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2017.06.05