Дорнод аймгийн гадаргын усны чанарын 2020 оны 9 дүгээр сарын төлөв байдал

Дорнод аймгийн гадаргын усны чанарын

2020 оны 9 дүгээр  сарын төлөв байдал

Дорнод аймгийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2020 оны 9 дүгээр сард Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,  Буйр нуур- Загасны үйлдвэр, Хэрлэн 1-4 дүгээр чиглэл, Улз-Баян-Уул, Улз-Эрээнцав зэрэг хяналт-шинжилгээний 11 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.

2020 оны 9 дүгээр сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

  Халх гол, Халх гол Сүмбэр дээд, Сүмбэр доод, Баянхошуу, Халх-Буйр хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  133.0-166.8 мг/л-т хэлбэлзэж байна. Сүмбэр доод хяналтын цэгийн усанд нитритийн  агууламж ХА-аас давсан байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 164.3 мг/л байна.

Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4  цэгээс сорьц авсан. Усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 177.5-362.4 мг/л-т хэлбэлзэж байна. Хэрлэн 4-р чиглэлийн хяналтын цэгийн усанд пермангантын исэлдэх чанарын агууламж ХА-аас давсан байна.

Улз гол, хөтөлбөрийн дагуу Улз голын Баян-Уул, Эрээнцав хяналт шинжилгээний  цэгүүдээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 458.6-573.0 мг/л-т хэлбэлзэж байна. Баян-Уул, Эрээнцав хяналтын цэгийн усанд пермангантын исэлдэх чанарын агууламж ХА-аас давсан байна.

Дүгнэлт:

Дорнод аймгийн гадаргын усны 2020 оны 9 дүгээр сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 250.3 мг/л ба  хамгийн их эрдэсжилттэй нь Эрээнцав-Улз голын  хяналтын цэг 573.0 мг/л, хамгийн бага эрдэсжилттэй нь Халхгол-Баянхошуу хяналтын цэг 133.0 мг/л-т хэлбэлзэж байлаа.

Усны чанарын үзүүлэлтийг MNS4586-98 усны чанарын стандарттай харьцуулахад Хэрлэн 4-р чиглэл, Баян-Уул, Эрээнцав, хяналтын цэгийн усны дахь пермангантын исэлдэх чанар, Сүмбэр-доод хяналтын цэгийн усанд нитрит  хүлцэх агууламжаас тус тус давж бохирдсон байна.  Бусад гол нуурын ус нь стандартын дагуу байлаа.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2020.09.30