Дорнод аймгийн гадаргын усны чанарын 2019 оны 7 дугаар сарын төлөв байдал

Дорнод аймгийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу  2019 оны 7 дугаар сард  Халх гол- Сүмбэр дээд, доод, Халхгол-Баянхошуу, Халх гол- Буйр нуур,  Буйр нуур- Загасны үйлдвэр, Хэрлэн гол 1-4 дүгээр чиглэл, Улз-Баян-Уул, Улз-Эрээнцав, Нөмрөг хилийн застав, Хөхнуур хяналт-шинжилгээний 13 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.

2019 оны 7 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

          Халх гол, Халх гол Сүмбэр дээд, Сүмбэр доод, Баянхошуу, Халхгол-Буйр хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  178-257 мг/л-т хэлбэлзэж байна.

Буйр нуур, Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо.  Нуурын усны эрдэсжилт 175 мг/л-т хэлбэлзэж байна.

Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4  цэгээс сорьц авсан. Усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 190-122 мг/л-т хэлбэлзэж, Хэрлэн1-4-р чиглэлийн аммони, фосфор, нитритийн ионууд, Хэрлэн 4-р чиглэлийн ПИЧ нь тус тус стандартаас давж бохирдсон байна.

Улз гол, хөтөлбөрийн дагуу Улз голын Баян-Уул, Эрээнцавын усны хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 391-777 мг/л-т хэлбэлзэж байсан ба  Улз- Баян-Уул хяналтын цэгийн ПИЧ, Улз-Эрэээнцавын нитритийн ион нь ХА-аас давсан байна.

Хөхнуур, Хөхнуур – 37-р зөрлөг хяналт шинжилгээний цэгээс сорьц авч  усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 7089 мг/л 37-р зөрлөг хяналт шинжилгээний цэгийн орчим бусад цэгээс их эрдэсжилттэй ба ПИЧ,  фтор, аммонийн ион нь  стандартаас давж бохирдсон байна.

Нөмрөг гол, Нөмрөг хилийн застав-хяналт шинжилгээний цэгээс сорьц авч  усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 272 мг/л-т хэлбэлзэж байна.

Дүгнэлт:

Дорнод аймгийн гадаргын усны 2019 оны 7 дугаар сарын хяналт-шинжилгээний дүнгээс үзэхэд гол, нуурын  усны эрдэсжилт нь 175-7089 мг/л ба  хамгийн их эрдэсжилттэй нь Хөхнуурын  ус нь 7089 мг/л, хамгийн бага эрдэсжилттэй нь Буйр нуурын  ус нь 175 мг/л-т хэлбэлзэж байлаа.

Гол нуурын усны шинжилгээний дүнг MNS4586-98 усны чанарын стандарттай харьцуулахад Хэрлэн1-4-р чиглэлийн аммони, фосфор, нитритийн ионууд, Хэрлэн 4-р чиглэлийн ПИЧ, Улз- Баян-Уул хяналтын цэгийн ПИЧ, Улз-Эрэээнцавын нитритийн ион,  Хөхнуур хяналтын цэгийн ПИЧ,  фтор, аммонийн ион нь тус тус стандартаас давж бохирдсон байна. Бусад гол нуурын усны үзүүлэлтүүд нь стандартын хэмжээнд байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2019.07.29