Дорнод аймгийн гадаргын усны чанарын 6 дугаар сарын төлөв байдал

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт шинжилгээний хөтөлбөрийн дагуу 2023 оны 6 дугаар сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур,

Баян-Уул Улз гол, Улз-Эрээнцав, Хэрлэн-1,2,3,4, Буйр нуур-Загасны үйлдвэр зэрэг хяналт шинжилгээний 11 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.  2023 оны 6 дугаар сард хийсэн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

Халх гол- Халх гол Сүмбэр дээд, Сүмбэр доод, Баянхошуу, Халхгол-Буйр нуур хяналт шинжилгээний 4 цэгээс сорьц авч усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 171.5-227.0 мг/л-т хооронд хэлбэлзэж байна.

Буйр нуур- Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 224.6 мг/л-т байна.

Улз гол- Улз-Эрээнцав,Баян-Уул Улз голын хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 392.4 -478.4 мг/л-т хэлбэлзэж байна. Баян-Уул Улз голын хяналт шинжилгээний цэгийн  усанд Нитритын азотын  агууламж нь ХА-аас давсан байна.

Хэрлэн гол- Хэрлэн-1,2,3,4 хяналт шинжилгээний 4 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 178.4-237.6 мг/л хэлбэлзэж байна. Хэрлэн голын 4-р чиглэлийн голын усны Нитритын азот, фосфатын агууламж нь ХА-аас давсан байна.

Дүгнэлт

Дорнод аймгийн гадаргын усны 2023 оны 6 дугаар  сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 242.0 мг/л ба  хамгийн их эрдэсжилттэй Улз-Эрээнцавын ус нь 478.4 мг/л, хамгийн бага эрдэсжилттэй нь Халхгол дээд харуулын цэгийн ус нь 171.5 м/л-т хэлбэлзэж  байна. Баян-Уул Улз голын хяналт шинжилгээний цэгийн  усны нитритын азот, хэрлэн-4-р чиглэл голын усны нитритын азот, фосфатын агууламж нь ХА-аас давсан байна. Бусад гол нууруудын усны чанарын үзүүлэлт MNS4586-98 стандартаас давсан тохиолдол ажиглагдаагүй байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2023.07.03