Дорнод аймгийн гадаргын усны чанарын 5 дугаар сарын төлөв байдлын тойм мэдээ

Дорнод аймгийн УЦУОШТөвийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2023 оны 5 дугаар сард  Халх гол- Сүмбэр дээд, доод цэг, Халхгол-Баянхошуу, Халх гол- Буйр нуур, Баян-Уул Улз гол, Улз-Эрээнцав, Хэрлэн-1,2,3,4, Хөх нуур, Нөмрөг хилийн застав, Буйр нуур-Загасны үйлдвэр зэрэг хяналт шинжилгээний 13 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.  2023 оны 5 дугаар сард хийсэн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан  1 дүгээр хүснэгтэд үзүүлэв.

Халх гол- Халх гол Сүмбэр дээд, Сүмбэр доод, Баянхошуу, Халхгол-Буйрнуур хяналт шинжилгээний 4 цэгээс сорьц авч усны химийн найрлага, чанарын үзүүлэлтүүдийг тодорхойллоо. Голын усны эрдэсжилт  268.0-419.0 мг/л хооронд байна. Усны чанарын үзүүлэлт нь MNS4586-98 стантдартаас давсан тохиолдолгүй.

Буйр нуур- Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 244.5 мг/л байна. Буйр нуур усны чанарын үзүүлэлт нь MNS4586-98 стантдартаас давсан тохиолдолгүй.

Улз гол- Улз-Эрээнцав,Баян-Уул Улз голын хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 212.4-432.5 мг/л байна. Улз-Эрээнцав хяналт шинжилгээний цэгийн  усны Аммонын агууламж нь MNS4586-98 стантдартаас давсан байна.

Хэрлэн гол- Хэрлэн-1,2,3,4 хяналт шинжилгээний 4 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 210.5-241.7мг/л байна. Хэрлэн голын усны чанарын үзүүлэлт нь MNS4586-98 стантдартаас давсан тохиолдолгүй.

Хөх нуур- Хөх нуур 37-р зөрлөг хяналт шинжилгээний цэгийн усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт 1855.1 мг/л байна. Чанарын үзүүлэлт нь MNS4586-98 усны чанарын стантдартаас давсан тохиолдолгүй.

Нөмрөг гол- Нөмрөг хилийн заставын хяналт шинжилгээний цэгийн усны сорьцонд химийн найрлага, чанарын үзүүлэлтүүдийг тодорхойллоо. Голын усны эрдэсжилт 232.8мг/л байна. Чанарын үзүүлэлтүүд нь MNS4586-98 усны чанарын стантдартаас давсан тохиолдолгүй.

Дүгнэлт

Дорнод аймгийн гадаргын усны 2023 оны 5 дугаар  сарын хяналт-шинжилгээний дүнгээс үзэхэд гол, нуурын  усны эрдэсжилтийн дундаж нь 369.5 мг/л ба  хамгийн их эрдэсжилттэй Хөх нуурын ус нь 1855.1 мг/л, хамгийн бага эрдэсжилттэй нь Халхгол доод харуулын цэгийн ус нь 205.4 м/л-т хэлбэлзэж  байна. Улз-Эрээнцав хяналт шинжилгээний цэгийн усны Аммонийн азотын агууламж нь MNS4586-98 усны чанарын стантдартаас давсан байна. Бусад гол нууруудын усны чанарын үзүүлэлт MNS4586-98 стандартаас давсан тохиолдолгүй байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ ТӨВ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

2023.06.08