Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2024 оны 4 дүгээр сарын төлөв байдал
ДОРНОД АЙМГИЙН ГАДАРГЫН УСНЫ ЧАНАРЫН
2024 ОНЫ 4 ДҮГЭЭР САРЫН ТӨЛӨВ БАЙДАЛ
Дорнод аймгийн УЦУОШТөвийн Итгэмжлэгдсэн Байгаль орчны шинжилгээний лаборатори нь усны чанарын хяналт шинжилгээний хөтөлбөрийн дагуу 2024 оны 4 дүгээр сард Улз-Баян-Уул, Улз-Эрээнцав, Хөх нуур, Нөмрөг, Халх гол- Сүмбэр дээд, доод цэг, Халхгол-Баянхошуу, Хэрлэн-1, Хэрлэн-2, Хэрлэн-3, Хэрлэн-4, Халх гол- Буйр нуур, Буйр нуур- Загасны үйлдвэр зэрэг хяналт шинжилгээний 13 цэгээс усны сорьц авч усны химийн найрлага чанарын үзүүлэлтүүдийг тодорхойллоо. Гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүлэв.
Тайлбар: БХХ5-биохимийн хэрэгцээт хүчилтөрөгч, ПИЧ-Перманганатын исэлдэх чанар, илр-илрээгүй, MNS4586-98 усны чанарын стандарт дахь хүлцэх агууламжаас давсан үзүүлэлтүүдийг тодруулав.
Халх гол- Халх гол Сүмбэр дээд, Сүмбэр доод, Баянхошуу, Халхгол-Буйр нуур хяналт шинжилгээний 4 цэгээс сорьц авч усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 167.2-195.3 мг/л-т хооронд хэлбэлзэж байна.
Буйр нуур- Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Нуурын усны эрдэсжилт нь 211.5 мг/л байна.
Улз гол- Баян-Уул Улз, Эрээнцав Улз голын хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 362.7-387.6 мг/л-т хэлбэлзэж байна.
Хэрлэн гол- Хэрлэн-1, 2, 3, 4 хяналт шинжилгээний 4 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 157.9-179.5мг/л байна. Хэрлэн-3 хяналт шинжилгээний цэгийн усан дахь нь нитритийн азотын агууламж нь MNS4586-98 усны чанарын стантдартаас давсан тохиолдол ажиглагдсан байна.
Хөх нуур- Хөх нуур 37-р зөрлөг хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 486.2 мг/л байна. Хөх нуур 37-р зөрлөг хяналт шинжилгээний цэгийн усан дахь перманганатын исэлдэх чанар нь MNS4586-98 усны чанарын стантдартаас давсан тохиолдол ажиглагдсан байна.
Нөмрөг гол- Нөмрөг хилийн заставын хяналт шинжилгээний цэгийн усны сорьцонд химийн найрлага, чанарын үзүүлэлтүүдийг тодорхойллоо. Голын усны эрдэсжилт 138.1мг/л байна.
Дүгнэлт
Дорнод аймгийн гадаргын усны 2024 оны 4 дүгээр сарын хяналт-шинжилгээний дүнгээс үзэхэд гол, нуурын усны эрдэсжилтийн дундаж нь 230.5 мг/л ба хамгийн их эрдэсжилттэй нь Хөх нуур 37-р зөрлөг хяналт шинжилгээний цэгийн ус 486.2 мг/л, хамгийн бага эрдэсжилттэй нь Нөмрөг хилийн заставын хяналт шинжилгээний цэгийн ус 138.1мг/л байна. Хэрлэн-3 хяналт шинжилгээний цэгийн усан дахь нь нитрит, Хөх нуур 37-р зөрлөг хяналт шинжилгээний цэгийн усан дахь перманганатын исэлдэх чанар MNS4586-98 стандартаас давсан байна. Бусад голын усны чанарын үзүүлэлтүүд стандартаас давсан тохиолдол ажиглагдаагүй байна.
ИТГЭМЖЛЭГДСЭН БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2024.04.30