2022 ОНЫ ГУРАВДУГААР САРЫН НЭГДҮГЭЭР АРАВ ХОНОГИЙН ЦАГ АГААРЫН ТОЙМ

/2022 оны  03 дугаар сарын 1-10-ны байдлаар/

Агаарын  температур:

              Дорнод аймгийн нутгаар агаарын дундаж температур  3.5...7.1  хэм хүйтэн. Нийт сумдын  нутгаар  олон жилийн дундажаас  6.0...9.2 хэм дулаан  байна. /Зураг.1/  Агаарт үнэмлэхүй их температур  10...16  хэм  дулаан, үнэмлэхүй бага температур  16…26  хэм хүйтэн байна.

Хөрсний гадаргын температур:  Хөрсний гадаргын дундаж температур 4...8 хэм хүйтэн, үнэмлэхүй их /халуун/ нь  16...24 хэм  дулаан, үнэмлэхүй бага /хүйтэн/ нь  18...29 хэм хүйтэн байлаа.

Хур тунадас:  Нийт сумдын нутгаар  0.0...0.7 мм хур тунадастай, 1-2 өдөр орсон .  Чойбалсан,  Баяндун, Баянтүмэн, Матад, Халхгол сумын төв, Халгол  /Ялалт багт/,  Хөлөнбуйр, Цагаан-овоо сумдуудад олон жилийн  дундажаас бага хур тунадас орсон байна.  Бусад сумдын нутгаар  хур тунадас ороогүй. /зураг-2/       

Салхи шуурга:

Салхины хамгийн их хурд нийт нутгаар  9-20 м/сек хүрсэн байна.  Сэргэлэн суманд  9 м/сек, бусад  сумдын нутгаар 10-20 м/сек байна. 10 м/сек-с дээш салхитай өдөр  1-7  өдөр ажиглагджээ.

Цасан бүрхүүл:

Хөдөө аж ахуйн үйлдвэрлэлд:  Дашбалбар суманд мал оторлох,  Баян-Уул  суманд  хужир шүү бэлтгэх,  Булган,  Баян-Уул,  Гурванзагал,  Дашбалбар суманд малд нэмэгдэл тэжээл өгөх, Баянтүмэн, Матад, Дашбалбар, Халхгол /Ялалт багт/ суманд  бод мал төллүүлэх, Баянтүмэн,  Булган,  Гурванзагал суманд ямааны ноолуур самнах ажил тус бүр явагдаж байна.

Дорнод аймаг УЦУОШТөв